Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
18.12.2019, 16:54

Казанда торак йортлар һәм социаль өлкә объектлары тәрәзәләре янында цифрлы реклама конструкцияләрен урнаштыру тыела


(Казан шәһәре KZN.RU, 18-нче декабрь, Алена Мирошниченко). Казанда торак йортлар һәм социаль өлкә объектлары тәрәзәләре янында цифрлы өслекле реклама конструкцияләрен урнаштыруга тыю кертелә. Мондый карарны бүген шәһәр Ратушасында Казан шәһәр Думасының XXXVII сессиясендә кабул иттеләр.

Моннан тыш, шәһәрнең үзәк өлешләрендә зур форматлы реклама конструкцияләрен урнаштыруга чик кертелә. Тышкы реклама һәм мәгълүмат идарәсе башлыгы Әскәр Баһаветдинов реклама конструкцияләренә карата кулланылган башка таләпләр, шулай ук аларның Казан территориясендә урнаштырырга рөхсәт ителгән типлары һәм төрләре турында сөйләде. Яңа кагыйдәләр уңайлы шәһәр тирәлеген формалаштыруга һәм шәһәрнең тышкы архитектура йөзен саклап калуга ярдәм итәчәк. Барлык таләпләр дә физик һәм юридик затларга кагыла.

Спикер билгеләп үткәнчә, бизнес вәкилләренә ачык консультацияләрдәге яңалыклар турында хәбәр иткәннәр. Проект бюджет-финанс мәсьәләләре, җирле салымнар һәм җыемнар, социаль-икътисадый үсеш, эшмәкәрлек һәм муниципаль милек буенча даими комиссияләрнең уртак утырышында каралган. Депутатлар тәкъдим ителгән үзгәрешләрне хуплады.
Барлык яңалыклар