Казанда 2015 елгы температура рекорды куелды

Казанда ун ел элек булган температура рекордын узып китте. Кичә, 23 сентябрьдә һава +27,7 градуска кадәр җылынды. Шул ук көнне һава температурасының алдагы максимумы 2015 елда «Казан» метеостанциясендә теркәлгән һәм +27,4 градус тәшкил иткән.

Иртәгә Казанда аязучан болытлы һава көтелә. 25 сентябрьгә каршы төнлә урыны белән бераз яңгыр явачак. Җил көнбатыштан, төньяк-көнбатыштан 6-11 м/с тәшкил итәчәк. Термометр баганалары +6..+8 градуска кадәр төшәчәк. Көндез Казанда явым-төшем көтелми, җил урыны белән 14 м/с ка кадәр җитәргә мөмкин. Һаваның иң югары температурасы +10..+12 градуска кадәр күтәреләчәк.