Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
09.08.2019, 10:46

Корбан бәйрәмен билгеләп үткән көнне кайбер автобуслар һәм троллейбуслар 3.00 сәгатьтә йөри башлый


(Казан шәһәре KZN.RU, 9-нчы август). 11-нче августта, Корбан бәйрәме билгеләп үтелгән көнне, шәһәр пассажир транспорты иртәнге 3.00 сәгатьтә йөри башлаячак.

Шәһәрлеләр бәйрәм чаралары уздырыла торган мәчетләргә барып җитә алсын өчен 1, 2, 5, 6, 10, 10а, 15, 22, 23, 29, 30, 31, 35, 35а, 37, 47, 53, 54, 56, 63, 68, 71, 74, 75, 89, 91 номерлы автобус маршрутлары һәм 1, 2, 12 номерлы троллейбус маршрутлары хезмәт күрсәтәчәк, дип хәбәр итә Транспорт комитеты.

Искәртеп үтәбез, Корбан гаетендә Казан мәчетләрендә бәйрәм вәгазе 4.00 сәгатьтә башлана. Бәйрәм гыйбадәтеннән соң, корбан чалу йоласына керешәләр, ул 11-нче августтан 13-нче августка кадәр 16 мәйданчыкта оештырылачак.

Моннан кала, традиция буенча бәйрәм алдыннан Казанда «Мохтаҗларны ашат» акциясе үткәрелә, аның кысаларында «Зәкәт» фондыннан бәрән алырга һәм аны мохтаҗларга бирергә мөмкин булачак.

Барлык яңалыклар