Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
24.09.2019, 09:35

Урман утырту көнендә Казан һәм якын-тирә районнарда яшәүчеләр 1,5 млн үсенте утыртачак


(Казан шәһәре KZN.RU, 24-нче сентябрь). 5-нче октябрьдә Татарстанда һәм аның башкаласында Урман утырту көне узачак. Республика халкы 1,5 млн гади нарат, Европа чыршысы, себер карагае, вак яфраклы юкә, гади миләш һәм башка агач үсентеләре утыртачак.

Казанда һәм аның янәшәсендәге территориядә табигать саклау акциясе Сосновка һәм Колсәет бистәсе янында, шулай ук Иске Шигали авылыннан ерак түгел үткәреләчәк. Катнашучыларны җыю урыннары карталарда сылтама буенча күрсәтелгән. Көрәкләр һәм үсентеләр һәркемгә урында өләшенәчәк. Чара 10.00 сәгатьтә башлана. Тулырак мәгълүматны телефон аша алырга мөмкин: 8 (843) 221-37-34.

Агач утырту «Урман атнасы» республика табигатьне саклау акциясе кысаларында бара. Быел ул 5-12 октябрьдә планлаштырылган. Урман тармагы белгечләре урманнарда ял итү урыннарын төзекләндерәчәкләр, янгынга каршы һәм урман саклау тематикасына аншлаглар һәм баннерлар урнаштырачаклар, урман үсемлекләре орлыкларын җыеп, гомуми белем бирү учреждениеләрендә экологик дәресләр үткәрәчәкләр.

Урман атнасы ТР Урман хуҗалыгы министрлыгы тарафыннан 2017 елдан бирле үткәрелә. Узган ел акциядә 20 меңнән артык кеше катнашкан. Аларның тырышлыгы белән республикада 300 га мәйданда истәлекле агачлар, аллеялар һәм яңа урман үсентеләре булдырылды. Моннан тыш, урман фондыннан 1,1 мең кубометрдан артык каты көнкүреш калдыклары һәм ауган агачлар чыгарылган, дип хәбәр итә ТР Урман хуҗалыгы министрлыгы.
Барлык яңалыклар