Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
22.11.2019, 11:17

Зур Казан боҗрасының беренче этабын төзү өчен Татарстанга өстәмә рәвештә 650 млн сум бүлеп бирелгән


(Казан шәһәре KZN.RU, 22-нче ноябрь). Россия Хөкүмәте Татарстанга Зур Казан боҗрасының беренче этабын төзүгә өстәмә рәвештә 650 млн сум бүлеп бирде. Юлны Мидхәт Булатов урамыннан Борисково урамына кадәрге участокта төзиләр.

800 м озынлыктагы дүрт полосалы машиналар йөрү өлеше (һәр юнәлештә ике полоса) беренче класслы гомумшәһәр әһәмиятендәге магистраль урам категориясенә туры киләчәк. Бу кисемтә Зур Казан боҗрасы төзелешенең беренче этабында иң катлаулысы булып санала. Транспорт хәрәкәте барышында терәк диварлар һәм җәяүлеләр өчен җир асты юлы төзергә кирәк булачак.

Хәзер участокта туфрак эшкәртү эшләре бара – 40%-тан артык өлеше чыгарылган, дип хәбәр итә ТР Транспорт һәм юл хуҗалыгы министрлыгы матбугат хезмәте. Төзүчеләр Ферма шоссесында һәм Борисково урамындагы җәяүлеләр күпере терәкләрендә юлүткәргечнең бораулау субайларын урнаштыралар, терәк диварларны һәм юлүткәргеч баганаларын бетонлыйлар.

Исегезгә төшерәбез, элек Зур Казан боҗрасының беренче этабын төзүгә өстәмә рәвештә 350 млн сум акча җибәрелгән иде. Моннан тыш, әлеге максатларга Татарстан бюджетыннан 2019 елга юл эшләре программасы буенча 350 млн сум бүлеп бирелде. Беренче этапта Булатов урамыннан Борисково урамына кадәр юл төзүнең гомуми бәясе 2 млрд сумнан артык тәшкил итә. Шуларның 1 млрд сумы - федераль, калганы - республика бюджеты акчалары. Объектны 2020 елның август ахырына файдалануга тапшыру планлаштырыла.

Быел «Имин һәм сыйфатлы автомобиль юллары» проекты буенча Россия Федерациясе Хөкүмәте төбәкләргә өстәмә рәвештә 14,7 млрд. сум бүлеп бирде. Акчалар шәһәр агломерацияләрендә юл инфраструктурасын модернизацияләү өчен илнең 36 субъекты арасында бүленде.

Барлык яңалыклар