Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
07.03.2019, 14:24

Казанда бәйрәм уикенды: итәктә йөгерү, «Мираж» төркеме һәм Май чабу күңел ачу чаралары

(Казан шәһәре KZN.RU, 7-нче март). Киләсе ял көннәрендә шәһәр халкы һәм башкала кунаклары Халыкара хатын-кызлар көнен һәм традицион славян бәйрәме – Май чабуны билгеләп үтәчәкләр. Шәһәрдәге бәйрәм чаралары турында KZN.RU порталының атналык афишасыннан тулырак укыгыз.

Казан Кремле музейларына түләүсез керү

8-нче март

8-нче март Халыкара хатын-кызлар көне уңаеннан нәфис затлар Казан Кремле территориясендәге музейларга бушлай керә алачак.

«Черек күл» паркында бушлай концерт

8-нче март, 14.00 сәгатьтә

«Черек күл» паркында шугалакта «Тамара project» кавер-төркеменең бушлай концерты оештырыла. Бу бәйрәм ял көннәрендә биредә массакүләм шугалак сезоны ябылачак — 10-нчы мартта шугалак соңгы көн эшләячәк.

Джаз музыкасы концерты

8-нче март, 17.00 сәгатьтә

«Мәскәү» мәдәният үзәгендә Россия һәм Италия сәхнәсе йолдызлары катнашында джаз музыкасы бәйрәм концерты узачак. Махсус кунаклардан Эмануэле Чизи (Италия, саксофон) һәм Франческа Тандои (Италия, вокал, рояль) булачак. Концертта Лилия Чугунова (вокал), Владимир Чигарев (вокал), Александр Терентьев (вокал), Юрий Щербаков (саксофон), «Dr.Vaks band», «Birdcatchers» чыгыш ясаячак.

Кунакларны эчтәлекле программа көтә: джаз биюләре һәм флористика буенча мастер-класслар, джаз өлкәсендәге танылган белгеч, журналист һәм продюсер Виктор Радзиевтан эксклюзив лекция һәм үзенчәлекле фотозоналар. Чаралар 17.00 сәгатьтә концерт алдыннан башлана, программа 19.00 сәгатьтә старт ала. Керү ирекле. Белешмәләр өчен телефон: 560-66-92.

Lady Run йөгерешләре

9-нчы март, 9.00 сәгатьтә

Урицкий исемендәге паркта Халыкара хатын-кызлар көненә багышланган Lady Run йөгереше узачак. Катнашырга теләсәгез, сайтта яисә +7(960) 049-95-59 телефон номеры аша теркәлү үтәргә кирәк.

Итәкләрдә узыш

9-нчы март, 12.00 сәгатьтә

Юдино бистәсендәге «Локомотив» стадионында хатын-кызлар арасында 500 метрлы дистанциядә махсус чаңгы ярышы, шулай ук аерым приз фонды белән иң яхшы киемгә бәйге узачак.

Һиндстан музыкасы һәм биюе фестивале

9-нчы март, 18.00 сәгатьтә

«Гранд Отель Казан» конференц-залында концерт узачак, биредә кунаклар көнчыгыш мәдәниятенең кыйммәтләре һәм колоритлы музыкасы белән таныша алачак.

Фестивальгә керү бушлай, алдан теркәү сорала. Керү билетын түбәндәге сылтама буенча алырга мөмкин.

«Әниләргә. Бергә» хәйрия проекты

8 һәм 9 март

Халыкара хатын-кызлар көне алдыннан Горький-Әмәт урманында «Әниләргә. Бергә» хәйрия проекты уза. 9-нчы мартка кадәр шәһәр халкы «Колыбель» социаль йортындагы хатын-кызлар өчен «Урман» кафесында һәм Divan Coffee кофейнясында бүләкләр калдыра ала. Бу үзәктә катлаулы тормыш ситуациясе аркасында йортсыз калган йөкле хатын-кызлар һәм яшь әниләр урнашкан. Бүләк итеп проектта катнашучыларның барысына да Divan Coffee кофейнясы фильтр-кофе ясап бирәчәк.

Май чабу

8, 9 һәм 10 март

Киләсе ял көннәрендә Казанда Маай чабу күңел ачу чаралары узачак. Шәһәр халкы һәм башкала кунаклары бәйрәм атмосферасына паркларда һәм скверларда, Кремль яр буенда, үзәк мәйданда – «Казан» гаилә үзәге янындагы боз шәһәрчегендә, шулай ук Аккош күле территориясенә төшә алачак, соңгысында исә «Мираж»төркеме бәйрәмнең хэдлайнеры булачак. Барлык мәйданчыкларда да күңел ачу программалары, уеннар, мавыктыргыч чаралар, бәйгеләр, театральләштерелгән тамашалар, шулай ук төрледән-төрле коймаклар белән сыйлау оештырылачак.

ТР тарихи паркында язгы фестиваль

8, 9 һәм 10 март, 11.00 сәгатьтә

«Россия – минем тарихым» тарихи паркында казанлыларга һәм башкала кунакларына Россия империясенең бөек хатын-кызлары тарихы, язмышы һәм кызыклы фактлар турында сөйләячәкләр. Моннан тыш, фестиваль вакытында тарихи паркка килүчеләр «СССРның күренекле хатын-кызлары» күңел ачу викторинасында катнаша алачаклар.

Шулай ук биредә ретро-стильдә фотозона эшләячәк, ә иң кунаклар һәм аларның әтиләре үзләренең яраткан әниләрен, хатыннарын, әбиләрен һәм кызларын бәйрәм сувениры-магнит ясап сөендерәчәк.

Чарага керү ирекле. Фестиваль 8-10 март көннәрендә 11.00 сәгатьтә эшләячәк.

Казан чаңгы марафоны

9-нчы март, 9.00 сәгатьтә

10-нчы мартта Юдиноның «Локомотив» стадионында Казан чаңгы марафоны узачак. Теркәлү рәсми рәвештә 2018 елның 5-нче декабрендә Казан чаңгы марафоны сайты адресы буенча (kazanxcski.ru) ачылды. 25 һәм 50 км дистанциягә массакүләм старт 10.00 сәгатьтә биреләчәк. 5 км дистанцияне сайлаган катнашучылар трассага 9.00 сәгатьтә чыгачак.

Барлык яңалыклар