Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
16.10.2019, 15:30

Гадәттән тыш хәлләр министрлыгы казанлыларны көчле җил, томан һәм бозлавык турында кисәтә


(Казан шәһәре KZN.RU, 16-нчы октябрь). Татарстанның Гадәттән тыш хәлләр министрлыгы республика һәм аның башкаласы халкын һава шартларының начараюы турында кисәтә - әлеге фаразлар 16-нчы октябрьнең 21.00 сәгатеннән 17-нче октябрьнең 18.00 сәгатенә кадәрге вакытка кагыла. Республикада төнлә һәм иртән урыны белән томан көтелә, юлларның аерым участокларында бозлавык булырга мөмкин, көндез урыны белән көньяк-көнбатыштан исә торган җилнең тизлеге секундына 16 метрга кадәр җитәргә мөмкин.

Россия гадәттән тыш хәлләр министрлыгының ТР буенча Баш идарәсе һава торышы начар булу сәбәпле электр линияләре, агачлар, реклама щитлары һәм витриналар белән янәшә торудан качарга киңәш итә. Шулай ук йорт кәрнизләре, реклама стендларыннан ераграк торырга, чыдам булмаган япмалар һәм черегән агач ботаклары астында тормаска кушалар.

Табигатьтә актив ял итәргә яратучыларга үзләре белән төзек элемтә чаралары, навигация җайланмалары алырга тиеш.

Бәла булган очракта, гражданнарга ашыгыч хезмәтләрнең бердәм чакыру номерына («101, 112») мөрәҗәгать итәргә кирәк. Шалтыратулар тәүлек буе, шәһәр һәм кәрәзле телефоннардан бушлай кабул ителә.

Барлык яңалыклар