Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
17.09.2019, 09:41

Казан узышчысы Айдар Нуриев ралли-кросс буенча Европа чемпионы булды


(Казан шәһәре KZN.RU, 17-нче сентябрь). Казан узышчысы Айдар Нуриев Супер-1600 классында ралли-кросс буенча Европа чемпионы булды. Ярышларның йомгаклау этабы 15-нче сентябрьдә Латвиянең Рига шәһәрендә узды.

Турнир кысаларында спортчы Испания һәм Бельгиядә ике җиңүгә иреште, Швециядә көмеш медаль яулады, Германиядә дүртенче булып финишка килде. Киләсе этапта Франциядә Айдар Нуриев янә беренче урынны алды, ә Латвиядә узышчы финишка икенче булып килде. Шулай да турнир дәвамында җыелган баллар суммасы буенча Казан узышчысы беренче урынны һәм Европа чемпионы титулын яулады. Билгеләп үтик, спортчы беренче тапкыр 2018 елда узган Европа беренчелегендә катнашты. Шул чакта ул сезонны икенче урында тәмамлады.

Быел Супер-1600 классында җиңү өчен сигез илдән барлыгы 30 спортчы көч сынашты. Айдар Нуриевтан тыш, халыкара аренада Татарстан Республикасы һәм Россия данын Казан вәкилләре Артур Егоров һәм Тимур Шиһабетдинов яклады, алар өченче һәм алтынчы урыннарны алды, дип хәбәр итә ТР Спорт министрлыгы матбугат хезмәте.

Барлык яңалыклар