Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
09.01.2020, 15:03

Казан укучылары йомшак кубиклар буенча чемпионатта катнашачак


(Казан шәһәре KZN.RU, 9-нчы гыйнвар). 9-нчы гыйнвардан башлап Казан мәктәпләрендә йомшак «КУБ Х» кубиклары буенча беренче чемпионат узачак. Ярышларда 7-нче һәм 8-нче сыйныф укучылары катнашачак.

Йомшак кубиклар буенча «КУБ Х» чемпионаты өч этапта узачак. «Кубол» дип аталган беренче этапта командалар бер-берсенә каршы урнашкан мәйданда урын алырга, кубикларны билгеләнгән зонага күчерергә һәм үз уенчысы тоткан кәрҗингә эләгергә тиеш булачак. Икенче – «кубашня» - этабында команданың бурычы булып кул астындагы кубиклардан иң югары манара төзү тора. «Кубарикада» дип исемләнгән өченче этапта командалар кубиклардан дивар төзиячәк, ә команданың бурычы - көндәшләре диварындагы кубикларны мөмкин кадәр күбрәк бәреп төшерү.

Ярышлар атна саен төрле шәһәр мәйданчыкларында узачак. Беренче ярыш 10-нчы гыйнварда Горький исемендәге паркта 13.00-дән 15.00-гә кадәр узачак, анда 4 команда катнашачак.

Чемпионат 6-нчы мартта төгәлләнәчәк – соңгы ярыш шулай ук Горький исемендәге паркта 13.00-дән 16.30-га кадәр узачак, дип хәбәр итә ТР Спорт министрлыгы матбугат хезмәте.

Барлык яңалыклар