Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
23.07.2019, 09:21

Иллюзионист, тылсым маэстро, концерт һәм оригами: казанлыларны «Мәдәни чәршәмбе»гә чакыралар


(Казан шәһәре KZN.RU, 23-нче июль). 24-нче июльдә Казанда «Әкият» курчак театры каршындагы мәйданда «Мәдәни чәршәмбе» узачак. Шәһәрлеләрне мастер-класслар, концерт, уеннар, конкурслар һәм призлар көтә.

Кадыш һәм «Сәйдәш» мәдәни үзәге иҗат коллективлары шәһәр халкы һәм кунаклары өчен вокал, бию һәм цирк коллективлары чыгышлары белән концерт, шулай ук төрле мастер-класслар һәм интерактивлар әзерләгән.

Мәсәлән, декоратив-гамәли сәнгать буенча «Укыйбыз, иҗат итәбез, ясыйбыз» мастер-классы 16.00 сәгатьтән 18.00 сәгатькә кадәр узачак. Катнашучылар оригами, төрле эшләнмәләр ясарга өйрәнәчәкләр, шулай ук атлас тасмалар, фетр һәм кәгазьдән ясалган эшләр күргәзмәсен күрәчәкләр.

18.00 сәгатьтә килүчеләр яшьләр вокаль ансамбле, «Волжанка» рус хоры һәм «Амплуа» цирк студиясе чыгышларын карый алачак. Программада шулай ук иллюзионист, тылсымчы һәм могҗизалар маэстро, шулай ук баянда уйнаучы виртуоз Динар Бәдретдиновның чыгышы да планлаштырылган.

«Мәдәни чәршәмбе» кысаларында чаралар 16.00 сәгатьтән 19.00 сәгатькә кадәр дәвам итәчәк, дип хәбәр итә Мәдәният идарәсе.

Барлык яңалыклар