Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
22.02.2018, 14:39

А.Шәмсетдинов: “Шәһәр үзәгендә җир эшләре ордерсыз бүтән башкарылмый”

(Казан шәһәре KZN.RU, 22-нче февраль, Екатерина Виславская). Казанның 108 төзелеш мәйданчыгының 101-ендә тәгәрмәчләр юу пунктлары бар, шәһәр үзәгендә җир эшләре ордерсыз бүтән башкарылмый. Административ-техник инспекциясе идарәсенең (АТИИ) бу һәм башка нәтиҗәләре хакында Казан Мэры Илсур Метшинга структур бүлекчәләрнең традицион отчет бирү барышында бүлекчә җитәкчесе Әлфир Шәмсетдинов сөйләде.

2017 елда АТИИ 5,4 меңнән артык административ материал, шул исәптән 984 игъланнар урнаштыру өчен, 854 – реклама урнаштыру өчен, 770 – җир эшләре өчен төзегән.

“Шәһәр үзәгендә җир эшләре ордерсыз бүтән башкарылмый, - дип билгеләп үтте АТИИ җитәкчесе Әлфир Шәмсетдинов. – Хокук бозуның әлеге төре перифериядә, шәхси секторда ял һәм бәйрәм көннәрендә ачыклана”.

Ордерсыз җир эшләре 231 очракта башкарылган, срокларны бозып – 61 очракта, җир эшләрен башкару тәртипләрен бозып – 478. Соңгысына киртәләр булмау, мәйданчыклардан чүпне чыгару, күрсәткечләр һәм ятырту җайланмалары булмау керә.

Яхшы нәтиҗәләрне, А.Шәмсетдинов сүзләре буенча, төзелеш объектларын тәгәрмәчләр юу пунктлары булу-булмауга тикшерү бирә. Алар 108 мәйдачыкның 7-сендә генә юк. Гадәттә, әлеге кагыйдәне кечкенә шәхси объектлар боза.

АТИИ хезмәткәрләре санкцияләнмәгән чүплекләрне дә тикшерә. 2017 елда алар 78 санкцияләнмәгән чүп урыны ачыклаган. Ел азагыан кадәр шуларның 37-се юк ителгән.

Фоторепортаж
Икътисади блокның Казан Мэры каршында хисабы
Барлык яңалыклар