Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
22.02.2019, 14:59

9 март көнне "Казан" гаилә үзәге янында масленица бәйрәме узачак

(Шәһәр KZN.RU, 22-нче февраль). 9 март көнне "Казан" гаилә үзәге территориясендә славян мәдәниятенең "Киң Масленица – 2019" бәйрәме узачак. Программада әкият персонажлары катнашында театральләштерелгән тамаша, Масленицаның карачкысын яндыру йоласы, балалар һәм өлкәннәр өчен концерт һәм күңел ачу-уен программалары, призлы кышкы уеннар, такмакчылар бәйгесе, яшьләр биюләре һәм уеннары каралган.

Шәһәрлеләр өчен декоратив-гамәли сәнгать осталары эшләнмәләре ярминкәсен әзерләячәкләр, халык иҗаты әсәрләрен сату өчен сәүдә рәтләре эшләячәк. Барлык теләүчеләр дә колгаларда йөрү, халык биюләре, истәлекле тәңкәләр ясау буенча мастер-классларда катнаша алачаклар.

Боз шәһәрчеге территориясендә берничә мәйданчык ачылачак: фольклор - рус халык уеннары, ат һәм понида шуу өчен конкурс-уен бүлмәсе, шулай ук шәһәрлеләр аттракционнарны карый һәм боз тауларында шуа алачак.

Төп сәхнәдә фольклор җыр һәм бию башкаручылар чыгыш ясаячак, казанлылар цирк сәнгате элементлары белән номерлар, Петрушка театры, шулай ук традицион славян бәйрәм культурасының төп фрагментлары күрәчәк.

Кунакларны борынгы рус рецепты буенча әзерләнгән коймак һәм тәмләткечләр белән сыйлаячаклар.

Бәйрәм 11.00 сәгатьтә башлана, тантаналы ачылыш – 12.00 сәгатьтә, дип хәбәр итә Татарстан Республикасы Мәдәният министрлыгының Матбугат хезмәте.

Барлык яңалыклар