Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
24.06.2019, 12:57

8 сентябрьдә Казанда шәһәр Думасына өстәмә сайлаулар узачак

(Казан шәһәре KZN.RU, 24-нче июнь, Алена Мирошниченко). 8-нче сентябрьдә Казанда Татарстан Республикасы Дәүләт Советына сайлаулар, шулай ук Казан шәһәр Думасына өстәмә сайлаулар узачак.

15-нче номерлы Кулагин бермандатлы сайлау округы буенча депутат сайлау 11-нче июньдә өченче чакырылыш Казан шәһәр Думасы депутаты вәкаләтләрен вакытыннан алда туктату сәбәпле билгеләнде, дип хәбәр итте эшлекле дүшәмбе вакытында шәһәр Сайлау комитеты рәисе Фәрит Гәрәев. Үз кандидатураларын тәкъдим итәргә һәм Үзәк сайлау комиссиясенә кирәкле документларны 15-нче июньнән, массакүләм мәгълүмат чараларында сайлауларны билгеләү турындагы карар рәсми басылып чыкканнан соң, икенче көнне бирергә мөмкин. Агитация чоры 10-нчы августтан 7-нче сентябрьнең 00.00 сәгатенә кадәр планлаштырылган. 8-нче сентябрьдәге бердәм тавыш бирү көне соңгы этап булачак.

Сайлау комиссиясенә тәкъдим итәргә тиешле документлар исемлеге һәм формалары, шулай ук сайлаучылар һәм кандидатлар өчен кирәкле башка мәгълүматны KZN.RU порталында табарга була.

Ф.Гәрәев хәбәр иткәнчә, Казанның округ сайлау комиссиясе вәкаләтләре йөкләнгән Идел буе районы территориаль сайлау комиссиясе документларны кабул итәргә әзер. Сайлауларда катнашырга карар кылган депутатлыкка кандидатлар, шулай ук элек депутат мандатларын бүлүдә катнашмаган сәяси партияләр тарафыннан тәкъдим ителгән кандидатлар әлеге бер мандатлы сайлау округы буенча теркәлгән сайлаучылар саныннан – 198 имзаның 0,5%-ын тәкъдим итәргә тиеш.

«Өстәмә сайлауларда 21 участок сайлау комиссиясе эшләячәк, аның составына 247 әгъза керә», - дип белдерде спикер һәм коллегаларын сайлауларны оештыру һәм техник яктан тәэмин итүдә ярдәм итәргә чакырды.

Фоторепортаж
Эшлекле дүшәмбе, 24.06.2019
Видеорепортаж
24.06.2019 11:51
8 сентябрьдә Казан шәһәр Думасына өстәмә сайлаулар үткәрелә
Барлык яңалыклар