Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
13.07.2020, 11:25

Ел башыннан татарстанлылар күпфункцияле үзәкләргә никахны теркәү өчен 184 гариза биргән


(Казан шәһәре KZN.RU, 13-нче июль). Ел башыннан татарстанлылар республиканың күпфункцияле үзәкләренә никахны теркәү өчен 184 гариза биргән. Моның өчен парларга паспорт белән теләсә кайсы күпфункцияле үзәккә килергә һәм гариза тутырырга кирәк, аны бүлек хезмәткәре катнашында имзаларга тиешләр.

Күпфункцияле үзәкләргә мөрәҗәгать иткәндә гаризада никахлашуның теләгән датасы күрсәтелә. Ул гариза биргән көннән 1 айдан да иртәрәк һәм 12 айдан да соңга калмыйча билгеләнергә тиеш. Шуннан соң берничә көн дәвамында булачак ир белән хатынга ГХАТ органы хезмәткәре мәгълүматны төгәлләштерү өчен шалтыратачак.

«Минем документлар» дәүләт һәм муниципаль хезмәтләрнең рәсми интернет-порталында хәбәр ителгәнчә, әгәр мөрәҗәгать итүчеләрнең берсе элек никахта булган булса, никахны өзү турында таныклык (белешмә) яки хатынының үлеме турында документ (белешмә) бирергә кирәк.

РФ гаилә законнары гаилә коруны 18 яшьтән башкара. Нигезле сәбәпләр булган очракта никахны балигъ яшькә җиткәнче рәсмиләштерергә мөмкин. 16-18 яшьлек россиялеләр өчен никахлашу яшен киметү турындагы карарны җирле үзидарә органнары яшәү урыны буенча язма гариза нигезендә кабул итә. 14-16 яшьтә никахлашу өчен ТР мәгариф һәм фән министры боерыгы кирәк.
Барлык яңалыклар