Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
26.06.2020, 16:27

Татарстанда РФ Конституциясенә төзәтмәләр кертү буенча тавыш бирү участогын эзләү өчен Россиядә беренче чат-бот эшләтеп җибәрделәр


(Казан шәһәре KZN.RU, 26-нчы июнь). Татарстанда РФ Конституциясенә төзәтмәләркертү буенча тавыш бирү участогын эзләү өчен Россиядә беренче чат-бот эшләтеп җибәрелде. «Минем сайлау участогы» сервисы республиканың барлык халкына Telegram платформасында инде ачык.

ТР Үзәк сайлау комиссиясе чат-боты виртуаль аралашу принцибы буенча эшли. Бот кулланучыны сәламли һәм якындагы сайлау участогын эзләүдә ярдәм тәкъдим итә. Моның өчен шәһәр һәм урамны кертү дә җитә. Мәсәлән: «Казан, Мир». Система якын-тирәдә урнашкан барлык тавыш бирү мәйданчыкларын аерым хәбәрләр белән тәкъдим итәчәк.

Участок адресы язылган табличкага басып, кулланучы җентеклерәк мәгълүмат алачак. Аңа сайлау комиссиясе адресы, телефоннары һәм тавыш бирү урыннары күрсәтеләчәк. Шулай ук монда участок геопозициясе чагылыш табачак, аның ярдәмендә сайлаучының җирлектә ориентлашу һәм маршрут сайлау белән кыенлыклары тумаячак.

Элегрәк сайлау участогын онлайн-эзләү бары тик Россия Үзәк сайлау комиссиясе сайтында гына мөмкин булган, анда система катлаулырак һәм эзләү өчен җентекле мәгълүмат сорала. ТР Үзәк сайлау комиссиясендә Telegram смартфоннар кулланучыларында аралашу өчен популяр кушымталар бишлегенә керә, дип билгелиләр. Моннан тыш, 18-нче июньдә Россия Элемтә, мәгълүмати технологияләр һәм массалы коммуникацияләр өлкәләрендә күзәтчелек федераль хезмәте Россиядә мессенджер эше буенча барлык чикләүләрне төшерде, дип хәбәр итә «Татмедиа» агентлыгы.

Сайлау участокларының эш графигы белән сылтама буенча танышырга була.

Барлык яңалыклар